Su bike tour in sas campagnas de Orgòsolo est una manera de s’afundare in sa vida de sartu de sa Sardigna.

Una parte bona de s’àndala colat a pees de su Supramonte, cadena de montes aspra chi disinnat unu paesàgiu fatu de cuntrastos, in ue su biancu de sa perda calcàrea faghet risaltare su colore de prata de sos olivàrios e su birde ismeraldu de sas bìngias.

Dae Orgòsolo s’achirrat in su caminu betzu pro Ulìana, incumintzende cun un’achirrada longa finas a sa badde. Dae cue, una pigada sighida permitit de conchistare su passu, e a pustis b’at un’àtera achirrada e, a urtimada, unu tretu prus in paris finas a Ulìana.

A pustis si podet sighire rugrende sa badde de Locoe in su caminu printzipale, o seberare sos caminos rurales chi giughent a sas bìngias e a sos ortos, torrende a artiare a bellu a bellu cara a sa bidda, posta in su pendinu.

Un’escursione longa pagu prus o mancu 56 km cun unu dislivellu de 1000 metros, adata a chie est avesadu a sa bitzicleta e chircat un’àndala vària e pagu caminada.