Bae a bellu. Respira. Istuda totu, allughe a tie matessi
S’àera est frisca, su mudìmene est beru.
Inoghe non b’at logu pro s’àera bruta de sa tzitade, pro s’istress, pro sa presse chi ti curret in fatu. Peruna iscusa, peruna distratzione. Petzi tue e su mundu comente est.
Lassa a una banda su yoga de palestra e sas app de meditatzione. Inoghe sa natura est su mastru tuo. Camina in sos padentes, respira su nuscu de sa terra, ascurta su sonu cruu de su bentu intre sas rocas. Cada passu ti lìberat de su chi est de prus, cada alenu ti torrat in echilìbriu chene bisòngiu de guru. Sa mente si lìberat.
E a pustis, su lussu beru: su digital detox. Si no ischis istare chene telèfonu, lassa pèrdere. Si imbetzes cheres ascurtare su silèntziu, intèndere a intro chi sa connessione prus vera est sa cun su mundu chi nos inghìriat, torrare a iscobèrrere sa libertade de èssere presente a beru…
Bene, tando Orgòsolo t’est isetende.
ITE BÌDERE
SAS CARAS DE ORGÒSOLO
A bortas, una mirada balet prus de milli paràulas.