S’artesania chi aguantat
S’artesania nostra no est souvenir, no est moda.
Est identidade, est resistèntzia.
Sa seda no est petzi tessìngiu, est istòria filada a manu. Sos bermeddos de seda creschent in sas terras a fùrriu a sa bidda, e su traballu issoro, fatu cun passèntzia, si tramudat in arte. E gasi naschet “su Lionzu”, su mucadore de sas fèminas de Orgòsolo: no est un’atzessòriu e bastat, ma unu sìmbulu.
Inoghe nemos tenet bisòngiu de vetrinas o de proclamas mannos. S’arte colat dae una generatzione a s’àtera, non si faghet a bìdere. Sa linna, su ferru, su tessìngiu: cada materiale giughet sos sinnos de su tempus e de sas manos chi lu traballant. Peruna produtzione in sèrie, peruna cursa a su nou.
Intre sas carreras de sa bidda s’artesania est unu traballu discretu, chi abarrat raighinadu e cunservat s’essèntzia de mestieris chi aguantant in su tempus.
ITE BÌDERE
SAS CARAS DE ORGÒSOLO
A bortas, una mirada balet prus de milli paràulas.