In Cursu Repubblica, in su coro de sa bidda, s’ex munitzìpiu de Orgòsolo est torradu a bìvere. Non prus sede amministrativa, ma ispàtziu cumpartzidu. Unu logu pro s’addobiare, traballare, organizare cursos, presentadas, momentos de cuncàmbiu.

Un’edifìtziu istòricu chi oe s’aberit a sa comunidade e a chie arribat dae foras, cun salas atretzadas e ambientes acasagiajolos.

Sos ispàtzios a disponimentu

• Sala manna pro eventos: larga, lughente, cun pagu prus o mancu 80 postos a sètzere. Ideale pro cunvegnos, projetziones, addòbios pùblicos e presentadas.
• Sala minore pro eventos: prus minore e acasagiajola, cun pagu prus o mancu 40 postos, adata a cunferèntzias, laboratòrios, leturas e momentos de formatzione.
• Salas pro reuniones: aposentos chietos e funtzionales, perfetos pro grupos de traballu e reuniones operativas.
• Salas de formatzione: ambientes versàtiles, pensados pro acollire cursos, workshop, atividades didàticas e addòbios de grupu.
• Postos de coworking: iscrivanias individuales in un’ispàtziu cumpartzidu, pro traballare in autonomia chene rinuntziare a su cuntatu cun sos àteros.

A pedidu, pro cumpletare s’allestimentu de sos ispàtzios, b’at a disponimentu projetores, telos pro sa projetzione e impiantos àudio cun altoparlantes.